நினைவில் நிற்கும் பள்ளிகொண்டா ஞாபகம்

பள்ளிகொண்டா ஒரு பசுமயான  கிராமம். அது வேலூரிலிருந்து பெங்களூர் செல்லும் தேசிய நெடுஞ்சாலையில் உள்ளது. பேருந்து நிறுத்தத்தில் இறங்கியவுடன் ஒரு தெரிந்த அண்ணாவின் கடை, சில பெட்டிக் கடைகள், காய்கறிக் கடை, மாவு அரைக்கும் கடை, முடி வெட்டும் கடை, ஒரு திரையரங்கு (சினிமாத் தியேட்டர்), …ஒரு தேங்காய் மண்டி, அரிசி மண்டி, …..

பள்ளிகொண்டா என்ற ஊரில்தான் என்னுடைய ஞாபகம் (memory) ஆரம்பிக்கிறது. அங்கு என் அம்மா ஆசிரியராக வேலை பார்த்து வந்தார்கள். தினமும் அம்மா காலையில் பள்ளிக்குச் செல்லும் பொது என்னை என்னுடைய பள்ளியில் விட்டுவிட்டு, தன்னுடைய பள்ளிக்குச் செல்வார்கள்.

கருப்புநிற ஷூ நினைவில் இருக்கிறது. நீளமான பழையகால வீடு நினைவில் இருக்கிறது. வீட்டு முதலாளியின் அம்மா (பாட்டி) ஒரு தனி அறையில் இருந்தார்கள். பக்கத்து வீட்டில் பாயம்மாச்சி என்ற பாட்டி இருந்தார்கள்.

இந்த இரண்டு பட்டிகளும்தான் அம்மா பள்ளி சென்றபின் எங்களை பார்த்துக்கொள்வார்கள் என அம்மா அடிக்கடிச் சொல்லுவார்கள்.  அப்பாவும் ஆசிரியர் தான், இந்த ஊரே அப்பாவை “வாத்தியாரப்பா” எனதான் அழைக்கும்.

எனக்கு திருமணமானவுடன் முதல் காரியமாக எனது அம்மா எங்களை பள்ளிகொண்டா கூட்டிச்சென்று பாட்டியிடம் காட்டினார்கள். பாட்டி மிகவும் தளர்ந்து, கண் பார்வை முழுவதும் இல்லாமல், சிறிது கேட்கும் திறனுடன் இருந்தார்கள். அம்மா சத்தமாக பேசி நாங்கள் வந்ததை சொன்னவுடன் மிகவும் மகிழ்ந்தார்கள்.

எந்த வீட்டில் பாம்பு வந்தாலும் அப்பாதான் சென்று அடிப்பார்கள். பாம்பு செத்தவுடன் பக்கத்து வீட்டுக்காரர்கள், அதனை அடக்கம் செய்து பால், அரிசி ..பூ முட்டை எல்லாம் படைப்பார்கள்.

என்னுடைய வீட்டிலேய அப்பாவின் தங்கை (ஷீலா) அத்தை இருந்தார்கள். ஷீலா அத்தைக்கு மிக நீளமான முடி. இரட்டை சடை போட்டு, அந்த சடையை கழுத்தில் சுற்றிக்கொண்டு சாகப்போகிறேன் என பயமுறுத்துவார்கள். தினமும் தோட்டத்தில் பால் சோறு ஊட்டுவார்கள்.

அப்பா வேறு ஊரில் வேலையில் இருந்ததால் வரம் ஒருமுறை அதாவது சனி மற்றும் ஞாயித்துக் கிழமைகளில் வருவார்கள். சாயங்காலம் பள்ளி விட்டதும் வாட்ச்மேன் அண்ணா கையைப் பிடித்துக் கொண்டு வீடுவரை நடந்து வந்தது நினைவில் இருக்கிறது.

பசுமரத்தாணி போல நினைவில் இருக்கும் விஷயம், என்னுடைய பள்ளியில் படித்த ஒரு மாணவியின் வீட்டில் ஒரு பெரிய பக்கெட்டில் தண்ணீர் வெளியே வைத்து இரண்டு பிளாஸ்டிக் டம்பளர்கள் போட்டு வைப்பார்கள். இடைவேளை நேரங்களில் பள்ளி குழந்தைகள் அந்த வீட்டிற்குச் சென்று தண்ணீர் குடிப்பார்கள்.

அம்மாவின் பள்ளியில் அறிவியல் செய்முறை விளக்கம் நடக்கும் நாட்களில், அம்மாவின் வகுப்பில் உள்ள மாணவர்கள் போட்டிபோட்டுக்கொண்டு என்னைத் தங்கள் மடியில் வைத்துக் கொள்வார்கள்.

சில சமயங்களில் அம்மாவின் பள்ளிக்குச் செல்லும் வழியில் உள்ள சின்ன பாலத்தில் நின்று கீழே ஓடும் தண்ணீரை பார்ப்பது மிகவும் பிடித்தமான விஷயம். ஒரு சில நாட்களில், மழை அதிகம் பெய்தால்  தண்ணீர் கரை புரண்டு ஓடும். அப்போது இரண்டு கரைகளிலும் வேலூர் மற்றும் குடியாத்தம் செல்லும் பேருந்துகள் நின்றுகொண்டிருக்கும். எனது வீட்டின் பின்புறம் இருந்த சின்ன ஓடையும் இந்த பாலாற்றில்தான் சென்று கலக்கும்.

அப்பா, அம்மாவிற்கு வேலை மாற்றம் கிடைத்து நங்கள் இராமநாதபுரம் சென்றபோது அனைத்து நண்பர்களும் அழுது எங்களை வழியனுப்பி வைத்தார்கள். நான் வேலை நிமித்தமாக அந்த வழியாக பெங்களூர் செல்லும்போதெல்லாம் இந்த
நினைவுகளும் மனதில் ஓடும்.

My father taught me a skill – 1

தென்னை ஓலையில் தட்டி பின்னுதல்

தென்னை ஓலையில் தட்டி பின்னுதல்

அப்பாவிடம் பயின்ற லைகள் – தென்னை ஓலையில் தட்டி பின்னுதல் : வேலூருக்கு அருகில் உள்ள பள்ளிகொண்டா என்ற ஊரில் நான் நான்காம் வகுப்பு வரை படித்தேன். அப்போதுதான் தட்டி பின்னும் முறையை அப்பாவிடமிருந்து கற்றுக்கொண்டேன். நேற்று முன்தினம் பெய்த மழையின்போது இரண்டு தென்னை ஓலைகள் கீழே விழுந்தன. ஞாயிற்றுகிழமை அவற்றை தட்டியாக பின்னினேன்.

தென்னை ஓலையில் தட்டி பின்னுதல்

தென்னை ஓலையில் தட்டி பின்னுதல்

அப்பா என்னுடைய மிக நெருங்கிய நண்பர், ஆசான், … அப்பா ஒரு சுருசுருப்ப்பான நபர். பாட்டி எப்பொழுதும் அப்பாவை திட்டுவர்கர்கள் “சாப்பிட கை ஈரம் காயாமல் அடுத்த வேலைக்கு போராயட .. கொஞ்சம் ஓய்வு எடுக்க கூடாதா ?”. அவரிடன் நான் கற்றுக்கொண்டவை மிக அதிகம். இந்த தட்டி பின்னுதலை மிகப்பொறுமையாக சொல்லிக்கொடுத்தார். பள்ளி நாட்களை ஓலையின் ஓரத்தில் நண்பன் ஒருவனை உட்காரவைத்து, மட்டையை படித்துக்கொண்டு ஓடி விளையாடியதை அடுத்த வகுப்பு மாணவர்கள் தலைமை ஆசிரியரிடம் போட்டுக்கொடுக்க, செம அடி வாங்கியது இன்னமும் ஞாபகம் இருக்கிறது.

தென்னை ஓலையில் தட்டி பின்னுதல்

தென்னை ஓலையில் தட்டி பின்னுதல்

தென்னை மரம் தமிழக மக்களின் கலாச்சாரத்தில் மிக முக்கிய பங்கு வகிக்கிறது. கிறிஸ்தவர்கள் குருத்தோலை ஞாயிறின்போது, குருத்தோலைகளை கைகளில் பிடித்தவாரு ஆலயத்தைச் சுற்றி வருவார்கள். குழந்தைகளுக்கு குருத்து ஓலைகளால் ஆனா சிலுவைகளை செய்து கொடுப்பார்கள். பெரும்பாலான தமிழக திருமண வீடுகளில் தென்னை இலை தோரணங்கள் தொங்க விடப்படும். திருமண வீடுகளோ, கோயில் திருவிழாவோ, ஈமச் சடங்கோ, தென்னை இலை தட்டிகளால் ஆனா கூரைகள் போடப்படும். ஓலைகளிலேயே பெரிய ஓலையாக எடுத்து கத்திச்சண்டை போட்டது ஒரு காலம். ஓலைப் பாய்களை ஆடு மாடுகள் அடைக்கும் அறைக்கு வேலியாகவும் கதவுகளாகவும் கிராமங்களில் உபயோகிப்பார்கள்.  தென்னை ஓலைகளின் இலைப் பகுதியை கிழித்துவிட்டு கிடைக்கும் குத்சியை சேர்த்து கூட்டுமாரக உபயோகிப்பார்கள். தென்னை மட்டையை அடித்துப் பிரித்து தென்னங் கயறு செய்வார்கள்.

தென்னை ஓலையில் தட்டி பின்னுதல்

தென்னை ஓலையில் தட்டி பின்னுதல்

ஏழைகளின் வீடுகள் தென்னை இலையினால் செய்யப்பட்ட தட்டிகளால் உண்டாக்கப்படுகின்றன.  தற்போது நான் தங்கியுள்ள வீட்டின் குஉரை சற்று  தாழ்வாக உள்ளது. தனி வீடாக இருப்பதாலும், வீட்டை சுற்றி சிமன்ட் தரையாக இருப்பதாலும், எப்பொழுதும் வீடு வெப்பமாகவே  உள்ளது.  வெப்பத்தை தணிக்க  என்ன வழி  என்று பெரியவர்களிடம் கேட்ட  போது, பெரும்பாலானோர் சொன்னது, மடியில்   ஒரு கூரை வீடு போட்டு விடுங்கள் அல்லது தென்னை ஏழை  தட்டிகளை

வீட்டு முதலாளியின் அனுமதி பெற்று சில தென்னை ஓலைகளை மாடியில் போடும் பணியில் ஈடுபட்டு உள்ளேன். அதே போல் தேங்காய் உறித்தபின் கிடைக்கும் மட்டைகளையும் மடியில் போட்டு வருகிறேன். இந்த சென்னை மாநகரில் பெரும்பாலான சாலைகள் சிமென்ட் தரையாக கட்சி அளிக்கிறது. பின்பு எப்படி மழை நீர் பூமியின் உள்ளே செல்லும்?. எப்படி நீர் மட்டம் உயரும்?.

வீட்டை சுற்றிலும் மரம், செடி, கொடிகளை நாடும் பணியில் ஈடுபட்டு உள்ளேன். இந்த தென்னை மரங்களில் ஏறி விளையாடுவது எனக்கு மிகவும் படித்த ஒன்றாகும். வேலூரில் உள்ள எனது மீனாப் பெரியம்மா வீடிற்கு செல்லும் போதுஎல்லாம் தென்னை மரத்தில் ஏறி காய்களை பறித்துப் போடுதல் மட்டைகளை தரித்து விடுதல், சுத்தம் செய்தல் …. போன்றவை எனக்கு மிகவும் பிடித்த வேலைகளாகும்.

The skills that I learned from my father: I learned this “making mat in coconut tree leaves” from my dad when I was doing my fourth standard in Pallikonda near Vellore.